(НЎМИР 15) ШОМИЛ ТОҒА ЧОЙХОНАСИДАН: ЧЕМПИЯНАТНИНГ ФИНАЛНИЙ БОСҚИЧИ

ШОМИЛ ТОҒА ЧОЙХОНАСИДАН: ЧЕМПИЯНАТНИНГ ФИНАЛНИЙ БОСҚИЧИ (НЎМИР 15)

Ўтган хафта чойхонадаям оғир кунлар бўлди – сплашнўй душанба десаям бўлаверади. Бир ёқда Тешани кофе пули банкка инкасса бўлиб пенсиянерларга тарқаб кетган (Бозор пўчтачи Теша Ғирром банкка бораман деганди, “банк сени пулингни пенсиянерларга тарқатворди,овора бўлма” деди), устига устак Бразилия ютқазиб учинчи ўринниям ололмади.
Бошига пинансовий кризис тушган Тешага Бразилиянинг ютқазгани ўлганни устига тепгандай бўлди. Омадсизни таксидаям ит қопади деганлари шу бўлса керак. Камига Ғани саюзнинг шархи ортиқча бўлди: " Немисларни асли хушёр халқ қилиб қўйган аслида бизни ота боболаримиз, ким айтибди немисни ютиш осон деб, 90 минутдаям ғалаба бўларканми, 1945 да бу немисларни устидан ғалаба қозониш учун нақд 5 йил жанг килганмиз" деб Тешани бағрини баттар эзди. Фолпайнетчи " кеча Тешани хотини келиб жанжал қилганидан бунинг аломати яхши бўлмаслиги кўнглимдан ўтувди, шунақа бўлади деб фол очай десам, чемпиянат олди лисензиямни тўхтатиб, бир тошбақачалигам қадримни қилмадинглар" деб дарров иддао қилиб олди.
Голландия ютқазиб сигирфанат Зокир ветеринар қовоғи тумшуғида, қайнотаси қарзини қистаган одамдай хеч ким билан саломлашмайди. Зокирни шунақа қилиғи икки кунда жонгга тегди. Эрталаб чойхонага кириб келаётганди, секингина чойхонани ичидан қулфлаб олдик. Таққилатсаям очмадик. Бир пайт Ғани саюз келиб қолиб эшикни очишга мажбур бўлдик. Зокир ичкарига кириб “Эшигини таққилатсанг очилмайди, ичкаридан ғўнғиллаб овоз келади, чойхонамас бу трансфарматорний будка қанақадир” деб чақиб олди ўзича. Галландия ўйнаб Кўста рикани ютган куни Бу Зокир деганнинг гаризантал истаклари вертикал ижро бўлиб роса рақсга тушганди, бечора ламбада ўйини узоққа бормади. Турсун шилқимнинг пул қистиргани эсдалик бўлди холос. Турсун ҳам пулига ачинмади, ўйингга тушганга пул қистириш унгга юққан касал, қаерда тўй бўлиб раққоса ҳали қўлини кўтармасдан Турсунни пул ушлаган қўли кўринади даврада. Зокирга оғир бўлди, сал эсиям кирди чиқди бўлганини кўриб Райим қассоб Жўра табибга “бир кўриб қўйчи нима гапикин” деса Ғани саюз “Жўрага шу чойхонада ким соғлигидан шикоят қилса, хаммаси жойида соппа соғсиз дейди, бу Жўра деганлари вайинкаматни дўхтирига ўхшайди, унгга кўринган бефойда” деб Жўрани ошга иштаҳасини бузди. Шу жойда Жўраям тинч ўтирмай Ғанига “Сангга точний диагнўзим-сени мийянг йўқ! ” деса бўладими. Райим қассоб “Мийяси бўлмаса маҳалла актипи бўлармиди” деди. Йўқ ердан Зокир ветеринар орага қўшилиб “Ана медузани мияси бўлмасаям миллиёнлаб йиллар яшайди, одамларга умид бағишлаб” деган гапидан кейин Ғани саюз ветеринарни чойхонага кириб келишига ёрдамлашганига ачинди. Тешани хотинидан ҳимоя қилгани учун Райим қассоб Ғани саюзни “Зокир, санддан кўра туя ҳам яхши, ичмасдан икки хафта юраверади” деб паддержка қилди. Зокир шу ўринда ўзини “Асли ман кўп ичмайман, бор йўғи 100 гиром ичаман ҳолос, ана шу 100 гиромдан кейин бошқа одам пайдо бўлиб, ўша молдек ичишни бошлайди” деб оқлаган бўлди. Зокирни сигирфанатлиги хеч кимга ёқмай турган экан шекилли газет ўқиб ўтирган Мухтор радар “Зокир ўзи бу чемпиянатда сени каманданг ютқазиб, қутурган Суарисни даволашдан бошқа иш қолмади сангга!” деб хихилаб кулди. Зокир ҳам тинч ўтирмади Мухтор радарга: “Сан пенсияга чиқмасингдан олдин беш ёшли боладан фарқинг йўғиди, катта тезликда кетаяпсам шарт югуриб йўлга чиқворардинг, бир ёш боладан бир санддан қўрқардим йўлда тезлик билан юрганда” деб Мухтор радарга ўзича успакайуший укол қилган бўлди. 
Ман ошни дамлаб келгунга қадар бу муштсиз олишув давом этиб тилвузорда пидбўл бошланди. Бу фанатларнинг бақиришини кўриб яхшиямки бизни пидбўл каммандамиз чиқмагани, биргина Равшанга қанчалик куюниб балет қиляпти булар, ўн биттаси ўйнаганда чойхонани бузворарканда деб қўйдим. Лекин Аргентиналиклар шу битта одамимизниям кўролмади, қозичилигига қарши чиққанмуш, ҳа биз сени ўн битта ўйинчингга девзирани қўй ёғига ботириб ўтирибмиз деган гап бормайдида акейанни у томонига! Бошида Жалол сўпи ҳам “Немисларга балет қилманглар, 1941 йилда қарғиш теккан уларга” деб турганди, Равшанни атказ қилганини эшитиб,”Қарғиш олганлар жаҳаннамда булари яхши болларга ўхшайди” деб дуо бошлаб қолди. Турсун шилқим бугун чойхонага қип қизил кастйум кийиб келибди. Бугун финал - байрам эмиш. Райим қассоб “Кастйумни зўрини ташлабсанку елкага, шу кастйумни мужскойидан бўлса бизам киярдик” деб ташлаган қистирма гапига Турсун: “Сизни гавдангизга қўйни терисини бўямасдан ташлаб қўйсаям сўйиладиган қўчқордек бўпқоласиз” деб агарўдига тош отиб қўйди. 
Хамма бир бўлиб Германияга балет қилса чойхонада биргина Собир тажанг Аргентинага балет қилди. Уни хеч ким бу томонгга оғдиролмади. Собирни характерини олдин ҳам айтиб берувдим, тажанг деганичаям бор. Бўксёр бўлиб бўкс клубда ишлаб юрган кезлари, кечқурун уйда хотини жаҳлини чиқарса “сени бир урай дейману, бир кунда падряд икки смена ишлаш қонунчиликка тўғри келмайдида” деб қўяркан. 
Хатто Фолпайнетчиям “Германия ютади бугун” деб бепул фол очиб қўйди. Қизиғи Икром шопирни хотиниям келиб деразадан пидбўлни томоша қилди. Аввалида Икромни хотинини Турсун шилқимнинг хотини йўлдан урган шекилли десак аслида эру хотин бири Аргентина деб бири Германия деб гарров бойлашган экан. Чойхонада Аргентнага балет қилган биргина Собир тажангни хотини эканлигидан билиб олаверинг Икромни хотини қайси камандага балет қилганини. Хотин кишини кантрўлини кўриб ўйин тугагунча хеч ким сўкинмай шалоқ тилини яшириб томоша қилди пидбўлни. Орада бир марта Райим қассоб чидамасдан орқа ҳовлига чиқиб бир бўралаб сўкиниб келди, шансни ўтказворган немисларни ҳаққига.
Лекин немислар боплади. Равшан Эрматовга қарши овоз бериш қанақалигини кўрсатиб қўйди. Фолпайнетчи мени фолим тўғри чиқди дейди, Райим қассоб ташқарида бўлсаям бир сўкиб келганимни фойдаси дейди, Жалол сўфи ман дуо қилдим...ишқилиб ҳамма ўзича ҳисса қўшди ғалабага. Биргина Собир тажанг “Чемпиянат яна 4 йилдан кейин яна бўлади, кўрамиз ҳали” деб хўмрайиб айтган гапига хеч кимни рискават қилгиси келмай камментарий бермади. 
Ана шунақа, чемпиянатнинг финал босқичи шунақа бўлди. Шарҳларни ўқиган бўлсангизлар немис пидбўлчиларини бир-бирига тўп оширишидан ихомланган бизнинг ошхўрларнинг бир бирига эхтиёткорона сўз камбинацияларига пикр билдирарсизлар.

Шомил тоғани финальний шарҳини БАХРИДДИН АСРОР оққа туширди

2014 йилнинг 14 июль куни (Финалний пидбўлдан бир кун ўтиб)

Read more »

(Нўмир 14) Шомил тоғанинг чойхонасидаги полуфинальний этапда лақабларнинг янги рефўрмаси

Шомил тоғанинг чойхонасидаги полуфинальний этапда лақабларнинг янги рефўрмаси (Нўмир 14)

Ўзи ўзбеклар адолатли бўлади деса, ўрислар масквада бу гапни кремлдан у ёғига ўтказмай турганда саюзни вақтида ( Бу ерда Ғани назарда тутилмаяпти). Мана бўларкану миллионлаб одам кўраётган пидбулда ўзбек бола қозичилик қиптурибди. Галландия билан Кўста Рикани ўйинигаям бекордан бекорга қози килиб қўймаяпти бу болани, ўша ерда хуштак чалиб шўртикчан югурган қози боллар каммиди?! Зокир ветеринар " Галандияни ўйинига қозилик қилишини билмапман, кетишидан олдин бориб бир қулоғига тайинлаб келардим, бу довлат сигирни зўрини етиштиради, сал қараб қўй деб" дейди. Э сигирфанат сандақаларни гапига қулоқ солмагани учунам ўзига 4 та келадиган негрларни ўйинини бошқаряпти, ундан ташқари Равшан Эрматип сангга Ғани саюзмидики йўлингдан чиқиб қоладиган ё ишхонаси пайнетхонамиди шарт бориб топиб олдига кирадиган деб койиб қўйдим. Теша Ғирром гапга қўшилиб нервимга тегадида, кофеингни сот Теша ғирром дейдиган одам йўқ, " куёвим ҳам судяликка харакати бор (хозир бола орттириб хотин қўйганлардан алимент ундирадиган дўлжнстда ишлайди), пидбулга судя бўлгин деймикин" дейди. Пидбул қаёқдаю, гражданский прассес қаёқда бу ахмоқ тушунмайди, дарди шу куёвини бахонасида Бразилиядан кофе суриб келса...Ишқилиб Зокирни омади боракан, лабзи кетиб ўйинда Галландия ютди.
“Кўп есанг зарар, оз есанг зерикарли” шиори остидаги чойхонамизда ярим финал бўлиб камандалар сараланиб қолган бўлсада, финалолди машмашали рефўрмалар бошланди.
Кеча кечаси Галландия Кўста Рикани ютиб, хали хурсандчилик тарқамасдан чойхонага келсам алғов далғов, тўполон! Теша Ғирром Райим қассобни ўғлининг қулоғидан чўзиб рангини памидор қилиб қўйибди. Нима гапакан десам райўндан келган банкир боллар чойхонага кириб, Тешани кофе пулиниям инкасса қилиб кетибди. Сангга ким айтувди хотинингдан пул бекит деб! Райимни ўғли “тўппончаси бориди, қўрқиб хамма пулни берворипман” дейди ўзини оқлаб. Шу жойда Ғани саюз: “Ғарбда бир палсапа бор, бой бўлишнинг инкор этиб бўлмайдиган яна бир сирларидан бир қачонлардир бойликдан ажралиш ҳисобланади” деганди Теша Ғирром: “Ман хайрлашиш учун олдин учрашишим керакми бойлик билан” деб йиғлагудек жавоб қилди.
Зокир ветеринар “мана Голландия ютди, ўзиям тринир Ван Дални иши Дангал экан... ” деб энди гап бошлаганди Теша Ғирром “сан одамга дўст бўлмасакансан, мени бошимдан эканамический кризис ўтиб турганда бир тринирни олқишлаб ғашимга тегяпсан” деганди Ғани саюз: “кризис бир сени бошингдамас, ўша тўп тепаётган давлатларни ҳаммасини бошида бор, барибир пидбўл тўхтаб қолгани йўқку, мана кризис сениям четлаб ўтмади” деб ўзича палсапа қилди. Теша Ғани саюзга “билмаган нарсангни гапираверма, худди уларни чўнтагини санагандай гапирасан”деганди Ғани саюз “Агар бу чойхонада хамма билганини гапирса фақат Шомилни пул санаганини эшитасан холос” деб биззи агарўдгаям тош отиб қўйди.
Тешани иши бўйича кризисга қарши асосий намойиш озгина ўтиб бошланди. Тешани хотини келиб Райим қассобни ўғлини ёқасидан олди. Қўлидан тилпонини юлволиб, “тилпон залўгда туради, қачонки пулни қайтарсан, кейин бераман!” деб дағдаға қилди. Хатто Райим “ичида эртага сўйиладиган қўйни расми бор, бугун клиентга кўрсатишим керак, хеч йўқ блутисдан ўшани расмини ташлаб беринг” деганди “қачон пулни қайтаради, кейин блутис бўлади” деб тилпонни кўтариб кетиб қолди. Тешани хотинидай пулга махкам йўқда ўзи, агар олтин балиқдан бирор нарса сўрайдиган бўлса сковорўдкага солиб, балиққа жонни ширинлигини сакратиб кўрсатиб, тилакни ўн марта кўпини айтишга эришадиган зотидан.
Шу жойда Турсун шилқим «Теша акани лақаби Ғирром эмас, Титаник, яъни Теша Титаник бўлди» деб қилган аскиясига ҳали ҳеч ким кулиб улгурмай Теша бир пиёла совуқ чойни Турсун шилқимни башарасига сочворди. Энди буни пулини қандай тўлайман деб турган Райим қассобга Зокир ветеринар “энди касални юқтирганни ўзи даволайди, банкдан кредит олиб тўлайсиз” деди. Райим қассоб: “Шу кредит олиш ёқмайдида, ундан кўра қайнотангдан қарз олганинг яхши, залўг сўраса қизини жўнатворасан, бир икки ой қулоғинггам тинчийди” деганди, Ғани саюз орага қўшилиб “Кредит билан декрет бир бирига ўхшайди, ҳар иккисини бошланишида қувонасан, охирида ачинасан” деб палсапа қилди. Тешаям тинч ўтирмади, Турсун шилқимга “Сан доим “полнокровний хотинни учратмадим” дейсан, шунинг учун сени лақабингни вампир деб ўзгартириш керак” деб чойхонага яна битта интернасианал сўзни инвестисия қилди.
Бугундан даврага қўшилган Шариф Калумб ҳам Ғани саюзни гапини тасдиқлади. Айтганчи шарифга Калумб лақаби аснавателний қўйилган. Бунддан икки йил олдин Шариф 3 та улфати билан чойхонада ўтирганда ташқарига чиқиб: “Ман тўчний биламан кўнглим сезяпти, мана шу дарёимизнинг нариги соҳилида, яъни қўшни тумандаям мана шу чойхонага тўғри паралел равишда чойхона бор, у ердаям тўртта улфат биздақа ош еб ўтирибди” деб тахмин қилган. Ғани саюз дарёни бу томонида қип қизил матони кўтариб белги бериб туришини тайинлашган. Тўртта улфат ошни харажатидан гарров ўйнаб 25 киламетр дарёни айланиб ўтиб қўшни тумандаги соҳилга бориб, қизил мато кўтариб дарёнинг бу томонида турган Ғанини тўғрисидан қадамлаб 200 метр юришса ростданам битта чойхона бўлиб, тўрт киши ошни еб бўлиб шахмат ўйнаб ўтирганакан. Ютқизганлар ош қилиб беришгани аниқмаску, лекин сан дарёни у томонидаги чойхонани кашф қилдинг деб Шарифга Калумб деб лақаб қўйишди. Хатя Американи Беруний кашф қилган бўлсада, у алломанинг исмини Шарифга қўшиш хайф дейишди, ундан шляпа кийган Христапорни исми мос тушади деб Ғани саюзни ўзи тасдиқлаб қўйган. Шариф бу тарихий ва геаграфический лақабга анчагача кўниколмай юрди. Хатто геграфиядан шу тема ўтиладиган куни ўғлиниям мактабга юбормагани учун ўғли ҳалигача дадасидан лақабининг маъносини сўрайди.
Шунақа зарубежний лақаб тўғрисида гап кетганда Турсун шилқимнинг кеча қазо қилган қайнонасига Турсуннинг ўзи Америка деб лақаб қўйганди, сабабини сўрашганда “уйимга келиб қўпорувчилик ишларини бошлайди, яъни йўқ ердан гап топиб хотинни бизга қарши қўяди, яхши яшашга ўргатмоқчи бўлади, хамма ички ишларимизга аралашади, бир иссиқ, бир совуқ қилиқлари бор, яъни баъзан Шимолий Америка, баъзан Жанубий” деб изоҳ берганди. Мана Американи кузатиб, ўзи 4 хона уйида бошқа хотиндан 3 та, бу хотиндан 6 та боласи ва хотини билан Хитойдай яшаяпти. Хотини шунинг учун Турсун Хитой деб переименоват қилиб қўйибди.
Бу ёқда лақаблар рефўрмаси авж олиб, бурчакда Собир тажанг ёнбошлаганича хурракни бошлаворди. Саматали мантйўр Собир хуррак деб қўяйлик лақабини деганди, хеч ким бу гапга қўшилмади, ҳаммани асаби ўзига керакда. Собир тажангни хеч ким уйқудан уйғотолмайди, сабаби уни тажанг қилган ҳам спортнинг бокс тури бўлади, 15 йил бокс билан шуғулланган. Хотиниям уйида бехосдан мушт тортворишидан қўрқиб уйғотадиган бўлса тепасига бориб, ўнггача санаркан. Чойхонада дажи санашгаям хеч ким рискават қилишни истамади.
Дабдурустдан Ғайби трактирчининг “Ман кеча Докторскийни ҳимоя қилдим ” деган гапи ҳаммани ҳайратга солди. Мактабни каридорида ўқиб ё ўқимаган Ғайби кеча чойхонада Жалол сўпининг кўзи тушмасин деб бир четга яшириб қўйилган Докторский калбасасига мушук иштаҳа қилаяпганини билиб секин халадельникка солиб қўйганини айтаяпганини билгунга қадар бир оз вақт ҳамма ҳайратга тушди.
Қисқаси мана финал олди жахон судялари одил рефўрма қилиб Равшан Эрматипни финални бошқаришига қарор қабул қилган бўлса, биззи чойхонаям янги рефўрмалар бошланди.
Финалгача яна вақт бор, унггача чойхонадаги айрим хужжатларимизга ўзгартириш киритиб олиш имкониятимиз боракан. Яна пикрлар бўлса ёзворармиз.

Шомил тоғанинг чойхонадан репортажини БАХРИДДИН АСРОР оққа туширди

Read more »

(НЎМИР 13) ЧОЙХОНАДАН ПИДБЎЛНИНГ НАВБАТДАГИ ТРАНСЛЯСИЯСИ

ЧОЙХОНАДАН ПИДБЎЛНИНГ НАВБАТДАГИ ТРАНСЛЯСИЯСИ (НЎМИР 13) 

Қизиқ ишлар бўляпти чойхонада кеча Турсун шилқимни хотини чойхонада пидбўл кўриб ўтирган жойтида келиб Турсун билан тортишиб кетди. Турсун Италияга балет қиляпман, кузатиб турмасам бўлмайди дебди. Умрида оёғи каптўк кўрмаган қўшниси Дўлқин трактирчи Турсунни қаерда деб сўраса "Пидбўл кўришга чиққанлар чойхонага, Италияга балет қиладилар" деса Дўлқин "Италия ютқазиб қўйган, италиялик пидбўлчиларга кеча пешиндан кейин жавоб берворган, самалйўтга чиқиб кетаяпганини тилвўзорда икки марта кўрдим" дебди. Турсунни хотини келиб шу хабарни айтиб "сиз ҳам уйингизга қайтинг энди"- деди. Турсун "ман Равшан Эрматипга балелшилик қиляпман Ўзбекистонлик судяга деб бахона қилганди", хотини "уйда 5 киши туриб бир кишига балелшилик қиларканми одам деган" деб роса хархаша қилди. Охири акам Комил масква Турсунни хотини билан муросага киргизди. Айтганчи Комил акам ҳам чойхонага қўшилиб қолди, пидбўл бахона. Уни Комил масква дейишади, сабаби онам рахматли бир икки марта ичиб келганда онам куюниб йиғласа "онажон, мен куз ёшларга ишонмайман..."-деган экан, шундан бери лақаби масква бўлиб қолган. Акам қайнукаси Латипниям бошлаб келибди чойхонага. Латипни битта ёмон характири шуки, икки киши суҳбатлашип ўтирса йўқ ердан гапни ўртасида луқма ташлаб гапга қўшиладиган одати бор. Уни қишлоқда шу одати учун Энбики студиё нукта уз (NBK STUDIO.UZ-муаллифдан) дейишади. Устига устак кўп ичади. Ғани саюз ичкилик тўғрисида Латипга палсапа қилиб: “Кўпчилик ичадиганлар ичган вақтида 4 та хайвонни шаклига кираркан: Биринчиси товус, яъни товусдай ёйилиб атрофга завқ билан қараркан. Иккинчиси маймун-шўхликни бошлаб хаммани жиғига тегадиган қилиқларни қилиб сакрайверакан, учинчиси шер-довюрак бўлиб, хамма билан олишгиси келиб ўкираркан, тўртинчиси чўчқа-, хар нарсани оғзига олиб, хар нарсани ташлаб, ўзини бошқаролмай ахлатга бўлсаям ағанаб ётаверакан”-деса Латип “Бизда товусдан кейин сразу чўчқа бошланади, 2 та этапдан ўтмаймиз”-деб тушунтирди.
Ўзи бу Латип ишсиз юриб юриб бир куни шаҳарга “Ўзбекнефтегаз”га ишга киргани маълум қилди. “Ўзбекнефтегаз” деб ёзилган футболкани кўк шими билан кийиб ўтгандан кейин махалладагилар хам ишонди. Хатто Ғани саюз “агар ишга кирмаганда Латипга бунақа ишхонани оти ёзилган сарпо бермасиди” деб тасдиқлаб хам қўйди. Бир куни Икром шопир шахардан гап топиб келди Латип шахарда калхўз бозори биқинида зажигалкаларни газ билан запрапка қиладиган будкада ишлаётган эмиш. Шунда Ғани саюз “Барибир газ компаниясига алоқаси боракану” деб аниқлик киритди. 
Шу бугун ҳам ҳали пидбўл бошланмасдан Латип 100 грамм олволиб “Биласанларми Масквадай жойдаги битта аеропорт биззи фамилияда Шерматип деб қўйибди”деб мақтанганди бугундан даврага қўшилган Ғайби трактирчи бўш келмай “Мақтанмагин битта давлат мени трактиримни номида Белорус деб номланган” деб мўт қилиб қўйди. 
Равшан Эрматип ўйингга қозилик қилмаган куни пидбўл қолиб кетиб, гап тепиш кучайиб кетадида. Бундан ташқари чойхонага янги одам қўшилдими, тамом ўшани аптабиаграфиясини муҳокамаси бошланади. Собир тажанг билан Ғани саюз Ғайби трактирчини яқинда парўд қилиб қўйганини хангомасини қилишди. Масала шундай бўлган Ғайби трактирчини тилпонига Шокир ўпкани бевасидан “келасизми” деб смс келган. Тилпон Ғайбини хотинини қўлида бўлган. Ғайбини хотини смс келган нўмирга абратний териб Шокирни беваси Кароматлигини билган. Шундан кейин Ғайбини хотини онаси қилган сепини йиғиштириб кетишга шай бўлибди. У бечора бева хотин Ғайбидан шудгордаги ғўзапоя ўтинимни опкеб беринг деб илтимос қилганакан. Ғайби “майли тайёр бўлса, смс ёзворинг, трактирни шанғиллашига барибир қулоғим эшитмайди” дегандан кейин кабутар тилпонга хат келтирган. Охири Ғани саюзни бошчилигида махалладан уч тўрт киши йиғилиб “Бунақа смс кампаниядан келган, яъни бир аксия ўйингга хаммани чақиряпти хар хил нўмирдан жўнатиб” деб тушунтириб, кўчага чиқарилган тугунчалари билан Ғайбини хотинини йўлдан уйга қайтаришган. Лекин бу осон иш осон бўлмаган. Райим қассобни бизга шоирд ўғлини тилпонига Мишка сариқни пайнетидан уч минг тушириб Турсун Шилқим, Собир Тажанг, Теша ғирром, Икром шопир ва яна ўша атропда яшайдиган уч тўрттасини тилпонига ўша смсни пиреслат қилдиришганакан. Телифонний безапасности Турсун шилқимдан ўрганмаганда Ғайби, Турсун шилқимни айтишича уйга кириб пайпоқни ечишдан олдин бир тилпонний званўк ва эсемесларни тозалаволаркан. Турсун шилқим “Мени аёлларга бўлган муносабатимини хақиқий жентелмен” дейишади аслида деганди, Райим қассоб “Хақиқий деган гапни гапирмагин, хақиқий нарсалар музейда бўлади, хақиқий бўлмагани ана Мўна Лизани падделкасига ўхшаб чойхонада туради”деди. 
Шу ерда Райим қассоб нимадандир жахл қилиб Фолпайнетчи билан тортишиб кетди. Ўзи Райим полчиларни ёқтирмайдида. Қассоблик қилишдан олдин прадавўлственний магазинда завмаг бўлиб ишлаган. Бир куни дўконини олдига бир Лўли келиб “Бахтингданми, тахтиндан” деб пол очмоқчи бўлибди. Райим лўлига: “Тушимда картошкага айланиб қолганмишман, буни таъбири нима”-деб сўрабди. Шунда Лўли хотин: “Сани кузда ковлашади, лекин бахорда ўтқазишади”-деган экан. Райимни юзига учуқ тошиб магазинчиликни ташлаб анча вақт банкрўтний састайанияда юрди шўрлик. 
Лекин бугундан чойхонага келиб пидбўл тўғрисида газит сотишни бошлаган Бозор пўчтачи Фолпайнетчини боплади. Фолпайнетчи прйамўй тилвузордан репартаж бўлган жойда сени газитинг кетмайди, ундан кўра пенсани тарқат, мангаям бу ойни пенсасини ҳали бермадинг деб ярим фол, ярим даъво гап қилганди Бозор пўчтачи Фолпайнетчига: “Ўрисларни буюк шоири Пушкин 37 ёшида оламдан ўтган, сизниям Давлатга фойдангиз тегадими-деб овозини ўчириб қўйди. 
Пидбўлда Испания, Италияга ўҳшаган камандалар кетиб қоляпганигами пидбўл шархи сал камайиб қолди. Кейинги запислардан тузуроқ пикрлар чиқиб қолса билдирамиз

Read more »

(НЎМИР 12) ЧОЙХОНАДА ПИДБЎЛ ЧЕМПИЯНАТИНИНГ МАНЗАРАЛАРИ

ЧОЙХОНАДА ПИДБЎЛ ЧЕМПИЯНАТИНИНГ МАНЗАРАЛАРИ (НЎМИР 12) 

Пидбўлчиларимиз чиқолмай, чемпийанатда Судья (Равшан Эрматов) га балелшиклик қилишдан бошқа иложимиз бўлмагандан кейин хабашларни трусикчан чопишигаям қарсак ва хуштак чалиб ўтириш ҳам шу кунларда мароқ беряпти. 
Чойхонаям стадийўндан қизғин бўпкетди. Райим қассобдан тортиб Мухтор радаргача бўлган балелшикларнинг панатларча хурмача қилиқлари кеча Камол сўпиниям ғашини келтириб, бир иккитасига дам солиб қўймаса бўлмайди деб пикр билдирди. Бир вақтлар мактабда пийанерважатий бўлиб ишлаб пенсага чиққан Азим камсамўл (айтганчи у Ғани саюзни божаси) мактаб инвентаридан списат бўлган барабан билан карнайсифат гўрн деган инструмент обкелгандан кейин хуштак билан қийқириқларга Камол сўпи айтгандай бу иккита асбобнинг шайтоновози хам қўшилди. Азим камсамўл банг –банг қилиб барабанни урса Жаббор карнайсипат гўрнни оғзида пудаб варанглатади. Яқинда қайнонасини ерга қўйган Турсун шилқим “ман азадорман, музика чалма, хурсандчилик бўлаяпган жойда ўтиришим мумкинмас” деб тихирлигини бошлади. Райим қассоб “Қайнонангни худо рахмат қилсин 90 ёшда ўтди, сан ўзи тириклигидаям жуда хурсанд юрмагансан!” деб пикр айтди. Шунақа бўлсада Турсун шилқим қайнонасини қаттиқ ҳурмат қиларкан, бошидан дўпписини ечмай чойхонани ташқарисига чиқиб пидбўлни ойнадан томоша қилди. Қайнонаси бечораям кетиш олдидан қизига: “эринг барибир қуйилмади, васиятим шуки, мени хотирлаган вақтда хеч қачон қабримга гул қўймасин, уни кўчада гул сотволганини кўрган одам барибир Турсун янгисини топибди деб сени юрагингни сиқади”-деб васият қилибди. Турсуннинг қайнакасиям хотинини ташлаб, бошқа бир аёлникига кетиб қолиб роса куйдирди. Ўша вақтларда Турсунни хотини “ “Бу дунёда ҳамма эркаклар бир ҳил, бир гўр” деган мақолни ким топган бўлсаям тўғри топганакан!”-деса Турсун: “бу гап бозорда эрини йўқотиб қўйган хитойлик хотинлардан чиққан” дарров гапини тўғрилаганакан. 
Қайнона тўғрисида гап кетганда Икром шопирни қилиғини эсламасдан иложи йўқ. У ҳар куни 4 ёшли қизчасига “Қизил шапкача” эртагини айтиб ўтирса меҳмонга тез-тез келадиган қайнонаси эшитиб ўтирганини кўриб қолибди. Икром қайнонаси эшитиб ўтиргани учун атайин эртакда бўри кампирни еган жойини вахшиёна тасвирлаб айтибди. Қайнонасининг энсаси қотиб “Куёвтўра биз ҳам эшитгандик бу эртакни, битта кампир шўрликни 24 та бўри майдалаб емасидику, жа оширвормадингизми?” деса Икром шопир пинагини бузмай “Илгари кампирларам жа бунақамасиди” дебди. 
Теша ғирромни тиши оғриб ёнбошлаволган. Мухтор радар нима бўлди деб ҳол сўраганди. Теша ғирром “ақл тиши чиқяпти шекилли” деди, Ғани саюз “энди бало борми ақлга, сан Фолпайнетчини иситма-совутмасидан заҳарлангансан” деган жойида Фолпайнетчи секин бошини эгиб мангга божахўмрайиш қилиб қўйди. (Қаерданам айтиб қўйибман Ғани саюзга). Собир тажанг: “Тишингда карис бор, карисларни олдириб ташла” деганди медисинадан мутлоқ бехабар Фолпайнетчи “шу карис хитойларни аралашмаган жойи йўғаканда, тишни орасиям карис касалми” деб бугундан чойхонага қўшилган Жўра табибни жағини очди. Жўра табиб эгнида оқ халати бўлмасада “карис эмас кариес!...” деб дўхтирхонадаги петиминуткасини бошлаворди. Шу жойда Райим қассоб Мухтор радарга “Гаи билан хитойликлар бир ҳил, икковиям қўлидаги палка билан қорнини тўйғазади” деб аския қилганди, Мухтор радар “ман палка билан пақат ойликка ишлаганман, любўй шопирдан сўра, санга ўхшаб қўлимда пичоқ билан тирикчилик қилмаганман” деб атвет қилди. 
Райим қассоб Жўра табибга “дўхтирча гапларингни йиғиштир, янги иш бошлаганингда икки йил раддўмда медбрат бўлиб ишлаб тузуроқ обрўям олмагансан, санддан кўра кучукларни даволаган Зокир ветеринарни сал бўлсаям обрўси бор”деб иддао қилганди, Жўра табиб “Раддўм ҳам армиянинг женский варианти!” деб ўзини оқлади. Суҳбатга Ғани саюз қўшилиб, табибга “сан сотаяпган успакайителний дорининг нархини эшитиб, успакат бўлиш у ёқда турсин, одам бир ой ўзига келмайди” деб эътирозини билдирди. Жўра ҳам қараб ўтирмади Ғани саюзга қараб: “Сан ўзи роса пишиқсанда, пул деса томдан ташлайсан, отангдан мерос бўлиб қолди сангга бу одат!” деганди Ғани саюз ҳам жим ўтирмай абаснават қил деб турволди. Жўра табибнинг айтиши бўйича Теша Ғирромни отаси жон бераяпган вақтда Жўраям уни бошида ўтирган. Бобой ўғил қизларини, невараларини хаммаси йиғилганини хотинидан сўраган, шунда хотини “отаси, ман уйдагиларнинг хаммаси-бешикдаги набирангизгача кўз олдингизда турибмиз” деб жавоб қилган. Шунда Тешанинг отаси “унда ким ошхонада, чироқ ёқиқ турибди, пул ёзади ахир!” деб безовта бўганакан. 
Ахмоқ Райим қассобнинг ўғли бугун отасига қўй олиш учун бозорга бориб МЕССИ деган майка сотволиб чойхонага кийиб чиқибди. Рийалчилар даже бир чойнак чой ичмай хўмрайиб ўтиришди. Тилпонингни ватсап деган расмхонасидан отангга молбозордан қўйни расмини жўнатганингда манггаям майкани расмини жўнатмайсанми, сразу айтардим, бу майка чойхона буджетига зарар қилишини! Ана энди Рийалчилар Теша ғирромни чўнтагини қаппайтиряпти кофе ичиб! Энди Раналдў деган шўртик сотволиб кийволмаса банкрўт бўлишимиз турган гап. Ўзи Теша Ғирром чойхонани аксияси биз томонга кўпроқ ўтиб кетди деб рейдирча палсапа қилиб жонгга тегяпти.
Мана сизга Жахон чемпийанати манзаралари. Абизателно пидбўлни шархлаш шартмас, чойхонадаги муросасиз олишувлар пидбўлданам жўшқин аслида. Энди чойхонадагилардан кимнинг дарвозасига гол бўлганини ким ғолиб бўлаяпганини ўқиб билволаверасизлар, лекин бизни чемпийанатда ким ютқизсаям чойхонадаги группадан чиқарвориш йўқ, ўзи и так банкрўт бўпқолиш арапасида турибмиз.

Read more »

(НЎМИР 11) ЧОЙХОНАДА ЖАҲОН ЧЕМПИЯНАТИ МАНЗАРАЛАРИ

ЧОЙХОНАДА ЖАҲОН ЧЕМПИЯНАТИ МАНЗАРАЛАРИ
(НЎМИР 11)

Пидбўл бошлангандан бери жахон чемпианатидан кўра чойхонада бўлаяпган воқеаларни айтиб беришни маъқул топдим. Пидбўлни деб ишидан отпуска олволган Собир тажангни хотини “мени топганимни еб, уйда қамалиб ўтирибсиз, манга алпўнс эрни кераги йўқ” деб кўчага хайдабди. Собир тажанг Алпўнс сузини маъносини сўраганди, Мишка сариқ “алпўнс хам падкаблукка ўхшаш гап” деб аниқлик киритди. Райим қассоб “Пулинг бўлмаса сан эрмас, хотинингга дугона бўпқоласан”-деб палсапа қилди. 
Шуни устида Фолпайнетчи чиқиб ўйин бошланмасдан “Тилвузорни кўринглар, тошбақаям фол очяпти, мени тошбақачалик қадрим йўқми” деб иддаони бошлади. Райим қассоб “фол очсанг очавер фақат бесплатний очасан, пуллигини конкрет ўртага пул тикиб очасан, ютсанг сеники, ютмасанг пулдан ажраласан”- деганди жимгина бориб Мўна Лизани расми тагидан жой олиб ўтирди. Фолпайнетчигаям хайронман, ўтган гал Голландия ўйнагандаям 4 та голдан кейин Голландия ютади деб фол очганди. Мен унгга “фол очсанг шарт пулдан гаров ўйнаб олдиндан оч фолингни”- десам, “гарров бойлаш билан фол очиш бир хил характердаги нарсамас” дейди. Ўргилдим сени услубиётингдан. 
Гап нимани устида кетди тушунмадиму Карислар ўйнаган куни Райим қасобни бизга шогирд тирранчаси “Карея учун Акмал етишмаяптида”-дейди. Ман “ким у Акмал?”- десам “Шорахмедов, битта аптагўл қилиб берарди”- деб спатривний тилда палсапа қиляпти. Бир йил олдин шунақа бўлганимуш. Бу бола чойхонада уч кун олдин ким пул бермай насияга чой ичди десам отиниям эслолмайди, Тошкандаги пидбўлчини кареядаги ишини эслаб памиласигача ёдлаволганига ҳам ҳайрон бўлдим хам жаҳлим чиқди. “Насиячиларни кимлигини эсламай пулни ундирмаяпганинг ҳам сени чойхонага аптагўлинг бўлади” деб жеркиб қўйдим.
Галландия ўйнаган куни Испанияни ютганига Зокир витиринар роса ирғишлаб сакрадида, “буларни напақат сигирлари, ўйинчилариям зўракан” дейди. “Сени кўзингга одам эмас, пақат сигир, қўйлар кўринади”- дей дедиму, эртага ош манддан деб хотамтойлик қилувди индамай қўя қолдим. Зокирни ҳам борган сари обрўсини йўқотиб қурт қумурсқани касалигача аралиш юргани жаҳлимни чиқаряпти. Мисол учун, Саматали мантйўрни шаҳарда тилвузорда диктир бўлиб ишлайдиган қизи ўтган йили отпуска олиб келганда каламушим касал бўлиб қолди кўриб беринг деб Зокир витиринарни чақиртирибди. Зокир бориб у қиз шаҳардан кўтариб келган, қапасда боқиладиган каламушга дори ичириб келганини эшитгандим. “Сан энди сичқон билан каламушга кунинг қолдими, каламуш дўхтир деб лақаб олволмагин яна”- десам “ака у маданийлашган каламуш” дейди “Райим қассобга кастўм шим кийизиб, галстук тақиб қўйганинг билан барибир прапесир бўпқолмайдику, кассоблигича қоладику” деб ҳам тушунтириб бўлмади.
Пидбўлга Бирлашкан миллатлар ташкилотиям қизиқаркан. Кофе Ананд деганиям келибди десам Теша Ғирром “Уни оти кофени номига қўйилгани учун Бразилияга ҳурмати биланд” дейди. Нима сан уни қулоғига азон айтганда ёнидамидинг ёки сани божангми у детальний пикр берасан! Теша ғирром хам жонга тегди, кофени уйида термосга дамлаб чиқяпганди, Бразилия ютгандан бери сувни наглий чойхонада қайнатиб, Райимни ўғлига тайёрлатяпти, яна Райимни ўғлига “бир ҳунаринг иккита бўлди, кофе тайёрлаш ҳам санъат”дейди. Агар шу таёрлаяпган нарсани кофе деб бўлса, ундан ўзимизни чой минг марта яхши, номига шакар солиб, сал қизартириб қўйган билан кофе бўлармиди! 
Хозир ГАИдан пенсийага чиққан Мухтор радар ҳам чойхонага чиқиб пидбўлчиларга қўшилволган. Йўлда ишлаган вақтида кимни тўхтаган бўлса “ичдизми” деган саволдан у ёғига ўтмаган. Биз унга нисбатан инсоп томонидан парқли равишда “бирор нарса едингизми, ёки ейсизми” деб мулозамат қиламиз, пақат “ичдизми?”- деб савол қўймасдан. Мухтор радар ҳам жонгга тегди. Ундаям Фолпайнетчига ўхшаб праписианальний касаллик бор, ўтирган жойида югурган ўйинчига қараб тезлигини айтиб ўтиради, соатига 40, соатига 20 тезликда югуряпти деб. Яхшиям Равшан деганига ўхшаб қози қилиб чақиришмабди сени пидбўлга, тезликни белгисини қўйволиб ҳаммасига сариқ, қизил картичка берворармидинг. Лекин роса пишиқда бу Мухтор деганлари. Чойхонага газ тушган йили бир тўннача кўмир бориди, шуни бергин деб турволди, майли деб текинга берворгандим, газ тушганидан қувониб. Бундан ташқари қайнотам таксислик қилган вақтида кўп яхшилиги теккан экан, ҳар куни эрталаб қайнотам соқолини олиб улгурмасдан уйимга етаклаб келиб турволганди. Хайрон қолганим бир тўнна кўмирни ўрис караватни қия қўйиб элаб олиб йиригини юклаб кетганди. Майдасими, йиригими текингга бергандан кейин опкетавермайсанми деб жаҳлим чиққанди. 
Ғани саюздан сан нима учун пидбўлга қизиқасан десам, “Уйда хотин бақиради, ишхонада райис, магазинда сотувчи, пидбўлда ман бир ўзим камида ўн бир кишига бақираман маза қилиб” дейди. Жаҳли чиққанда хотинига қилмаган сўкишларини умрида кўришмаган судяларга ишлатволади шўрлик. 
Ҳозирча шарҳлайдиган жа унақа азарт ўйин бўлмади, так что пидбўл манзараларини чойхонадагилари сал қизиқроқ деб шуларни айтиб бердим. Ўйинни кузатаверайликчи пикрлар бўлса яна айтамизда. 

Read more »

(НЎМИР 10) ЧОЙХОНАДА ПИДБЎЛ ЧЕМПИЙАНАТИНИНГ ОЧИЛИШ МАРОСИМИ ШАРХИ

ЧОЙХОНАДА ПИДБЎЛ ЧЕМПИЙАНАТИНИНГ ОЧИЛИШ МАРОСИМИ ШАРХИ (НЎМИР 10)

Пидўл бўйича чемпианат бошланиб, чойхонаям гавжум бўлиб қолди, Мишка сариқни пивоси сувдай кетиб, Теша ғирром термосда ухлаб қолмайин деган мухлисларга кофе дамлаб келиб чашкаси минг сўмдан деб тирикчиликни бошлаворди. Ман қизиқмасидим ноилож, чойхонада кўрамиз деб заказ тушиб турса манам бир фойдаланай деб чойхонани пештоқига “ЧЕМПИАНАТНИ НАРМАЛЬНИЙ КЎРАЙ ДЕСАНГ ЧОЙХОНАГА МАРХАМАТ!” деб ёзиб қўйиб ишни бошладим. Эх апсус бизни каманда қатнашмаяптида. Биззи камандда бориб олтин, кумуш, бронза рангда кубик обкелишини бир чойхона одам неча йилдан бери орзу қиламиз! Майли жуда бронза ранг бўлмасаям каричнивий светам бўлаверарди. Тем боли ўзимиздан Равшан деган бола қозийкан чемпианатда. 
Ўзи спўртниям тури кўпда, ман ёшлигимда бир бўксга қизиқиб райсентрга икки кун қатнадим, биринчи куни туядай лўкиллатиб роса югуртирди, иккинчи куни катта кетиб рингкатакка тушдим. Мандан 5-6 ёш кичкина битта бола айланиб қорнимга бир мушт солувди, нафас ололмай ётдим озгина, тренир тепамга келиб турғизиб қўйди, э бўмасакан бўкс биззи вкусга тўғри келмайди деб қайтворгандим. Энг алам қилгани биринчи куни ўзим югурганим етмагандай елкамга Саматали мантйўрни миндириб қўйиб югуртирганди. Саматали манддан бир ой олдин борганакан. Ўша бўкс ҳозирам автаритетга таъсири бор, Самат 50 гиром ичволса, елкангга миниб уч куруг югуртирайми яна деб катта кетади. 
Райим қассобни чойхонада бизга шогирд муштдай ўғлиям чемпианат бошлангандан бери тилвузорни тагига ётволишни одат қилган. Бир куни хўррандаларни овқатини еб бўлиб кетиш олдидан “Аписант счётни айт!” деса ётган жойидан қимирламай “1:0 Барса ютяпти” дейди “Э ахмоқ у жиғилдонини счётини сўраяпти, пулини ол!” деб уришиб бердим!
Кеча Райим қассобниям жиғибийрони чиқиб: “Испанларга хайронман, 2008 йил пидбўлдан йеврўпа чемпиони бўлди, 2010 да жахон чемпиўни бўлди, 2012 да яна йеврўпа чемпийўни бўлди, сал камтаринроқ бўлишни хеч йўқ Собир райисдан ўрганса бўлмайдими, Собир райисам калхўзда 3 йил кетма кет райислик қилиб, орада бир марта, бир срўкка Ғопир бригадирга райисликка йўл бердию, ошқовоқ пул бўлган йили келиб яна ўзи райис бўлди!” дейди. Эх саводи паст Райим стадиўн қайдаю, калхўзни сиёсати қаерда ақлинг етмайдида! 
Ман унчали қизиқмасидим очилиш маросимини бир томоша қилдим. Ўзиям чойхонага роса одам тўлди, хатто Мўна Лизани расмини устига номахрам деб Камол сўпи ёпиб қўйган эски дастурхонгача ёзилди.
Пидбўл шархловичисига ўхшаб бақириб, энтикиб, хансираб бўлмасада испакўйний шу кечаги пидбўлни шархлаб бермоқчиман. Очилиш маросимида 3 та каптарни 70 минг одам қувдия! “Каптардан қўрқоқ жони ҳалак қуш бўлмайди, шунчалик қиларкан уни ўрнига қарға учирмайдими сал безбетроқ қўрқмайдиганроқ қушиди” десам Теша ғирром “Кабутар-тинчлик рамзи” дейди, э ахмоқ қарғани уруш очганини эшитганмисан?! Лекин Тешани Бразилияликларга ҳурмати баланд экан. Бразилияни гимни чалинганда то гимн тугагунгача қўли кўксида тикка турди. Бир иккитасини ғаши келиб гапиргандай бўлувди “Хеч йўқ ичиб турган кофеингни ҳурмати йўқми” деб бақириб қўйди. 
11 метрлик пеналти белгилангандиямки, Харватиялик пидбўлчи Фолпайнетчини ўғлига ўхшаш бразилиялик Пред деганни елкасига сал қўлини қўйувди у бола дарров йиқилди. Ўйинга қозилик қилаяпган Йапўниялик Ишингнимами деганининг писка кўзи падвадит қилиб нечестна 11 метр белгиланди. 
Чемпиянатни шу ерда кўрай деб Фолпайнетчиям чиқибди. “Майли лекин фол очмай тинчгина ўтириб кўр” деб рухсат бердим. Барибир ора чорада Бразилия ютади деб фол очиб қўяди, секингина имлаб “жим ўтир!” десам “нима қилай прапесианальний касалликда” дейди. “Яхшиям прапессиянг урологмас, хаммани пўчкасини ушлаб чиқармидинг” дей дедиму мениям прапесианальний этикам йўл қўймади. 
Шундай қилиб, бундан буёғига чемпианатни кўргани чойхонага келаверинглар, айтганчи беш чойнак чой ичсангиз олтинчиси бонус чойхонадан! Мавсум тугагунча кўраверайликчи пикрларимизни шунақа айтиб турмасак, иш билан ё бошқа сабаб бўлиб кўролмаганларгаям пойдамиз тегар! 

Read more »

(НЎМИР 9) ЧОЙХОНАДА ХОТИНЛАР ҒИЙБАТИГА БАҒИШЛАНГАН МАИШАТСИЗ КАРПАРАТИВКА

ЧОЙХОНАДА ХОТИНЛАР ҒИЙБАТИГА БАҒИШЛАНГАН МАИШАТСИЗ КАРПАРАТИВКА (НЎМИР 9)

Бир кило ошни маслаҳатидан дараги йўқ тўртта бекорчини хотинлар тўғрисидаги ғийбати орасида нақд 12 чойнак чойни пулини олганим учун жимгина уларни гапига қулоқ солиб ўтиришни маъқул кўрдим. Яна бир томони бунақа сиёсий масалага аралашиб қолсам эртага юзта одам ўтирган чойхонани калта кўрпасини эгнимга ёпиб, очиқ қолган оёқни чивинга талатиб, чойхонада ётиб туришга тоқатим йўғиди. 
Ҳамма гапни Обил фермер бошлади: “Санларга рахмим келади, хотинларинг сабаб расм каби рамкани ичида умринг ўтади, мана биз хотинни қайнатагаям қулоқ солмай уйига жўнатиб, топган пулга чойхонада ўтирибмиз”-деган гапига Райим қассоб “хотинингни қўли бемазалигидан олдин ҳам умринг чойхонада ўтиб, манддан сотволган гўштларингга уйингда итдан бошқа жони бор семирмади” деб аниқлик киритди. 
Шу жойда Турсун шилқим озгина хотинпарварлик қилиб: “Хотинсиз одам торсиз қўшиқчи” деб қўшиб қўйди. Турсунгаям қойил қолиш керак. Рашк борасида хотини маҳаллада биринчи ўринда турса керак. Шу йил янги йил куни тилвузорда Қорбобо билан қорқиз чиққан вақтда хотини: “Тилакларингизни айтинг, қорбобо амалга оширади” деса “Ёш боламидим қорбобга тилак айтгани, мени тилагимни қорқиз амалга оширади холос!” деб қўйиб роса бир йил уйида жанжал бўлди. Бунддан ташқари ҳар куни ишга кетишда Турсун шилқим қишлоқ гузаридаги бозорчага кириб бир аёлдан семичка олиб кетаркан. Яқинда ўша аёлга кулиб гап сотгани тилпонни эсэмэсидан олдин (биззи қишлоқда хотинларни гап тарқатиши тилпон кампанияларидан олдинда) хотинини қулоғига етиб келиб, қайсидир газитдан семичкани ошқозонга зарари тўғрисида ёзилган нарсани Турсунга пачти ёдлатворди. Ман хайронман семичка причўм бу ерда деб. Агар ўша хотин картошка сотса картошка емасмидинг! 
Биззи хотин хаммасидан тузугакан деб қўйдим ичимда. Битта айби ўзига бирор кийим олишга бозорга тушса соатига 300 минг сўм тезликда харакатланади, маршруткани сингари, бақириб сал қўл кўтармасанг тўхтамайди. 
Абдулхай артистни гапидан кейин Менделсўн деган кампазитирга қойил қолдим, миллиёнлаб одамлар учун савдебний маршни яратиб, хаммани ўша музика билан тўйини қовуштириб қўйиб ўзи бир умр бўйдоқ ўтганакан. Сехр ўша музика билан ўтганми дейманда, бўмаса ўзиям уйланардику. 
Ташқаридан кириб келган Икром шопир ҳам гапга қўшилиб кетди. Бир куни хотинига “сени хеч тушунмайман сан сирли шкатулкасан” деса хотини “сиз эса эртакли сандиқсиз” дебди. Э ўл, ким айтди сангга адабиётчига уйлан деб, чойхонада зўрға гапини топиб гапирадию пилолог хотингга тенг кеб бўларканми! Икром шопир яқингача нервинний бўпқолдим деб успакайуший таблетка ичиб юрди. Акрам табиб: Нима бўлди?- деб сўраса: “уйда болаларга бақирворяпман” дебди. “Хотининггаям бақиряпсанми”- деб сўраса, “йўқ хотингга умуман бақирмайман”- дея жавоб қилганакан Акрам табиб “Болаларга бақирганинг бу ўзингни кўрсатганинг бўлади, ана хотинингга бақирсанг ўшандда нервинний бўпқолган бўласан” деб касалига аниқ диагнўз қўйибди. 
Гапни ўрни келиб, Позил тунукачини ўғли Сарварҳўжа нолиб қолди. Хотини қачон ишдан келса ухлаб ётган бўлармиш. Бир куни жахли чиқиб “Ман кечаси келганимда уйғоқ ҳолда ошхонада юрган бўлгин, тараддуд қилиб!” деб дўқ урганакан “Ман сизга тараканмасман” дебдию, эртасига шарт кетиб қолибди. Шунгга ажрашиб бошқа хотин осаммикан деганди калхўз бозорни паттачисидай керилиб юрадиган Яраш йурист уни гапига: “ўз ҳоҳиши билан кетибди, закўн бўйича ўн беш кун кутиб туриб кейин бошқасини олишинг керак” деб ақл бўлди. Бу хотинидан безор бекорчилардан парқли равишда ман: “Унддан кўра Ғани саюзни маршруткага йўлкирасини тўлаб келинни уйига ғиззилат, маҳалладан бир-икки киши бўлиб бориб опкеб беришади, хозир хотин олиш осонаканми” деб оталарча насиҳат қилиб қўйдим. 
Қарасам гап тарқамайдиган, ошни заказидан дарак йўқ! “Хаммангни гапингни диктапўнгга ёзиб қўйдим, энди хотинларингга уйма-уй бориб қўйиб бераман” деганимдан кейин рамкани ичидасанлар деб хаммани устидан кулиб ўтирган Обил фермер бошчилигида хотинлар ғийбатига бағишланган маишатсиз карпаративкага тўчка қўйилди.

Read more »

(НЎМИР 8) ЧОЙХОНАДА ФОЛПАЙНЕТ

ЧОЙХОНАДА ФОЛПАЙНЕТ (НЎМИР 8)

Дунёни сув олиб, хар бурчакда ўт олов бўлгани етмагандай биззи чойхонада қизиқ воқелар бўляпти. Чойхонани рўпарасидаги Азим трактирни ховлисини бир ой олдин сотволган қўшни қишлоқдаги Ғайбулла кампири ва ўғли билан бир хафта бурун кўчиб келди. Хар куни чойхонада, айтишларича расмга, кафтга қараб фол очаркан, ким чойхонага кирса фол очиряпти. Яна фол очаман деб тилпонини нўмирини қоғозга ёзиб чойхонани деворига михлаб қўйибди. Рекламангни йиғиштир, бу ер фолпайнетмас сангга десам, Райим қассоб “индама яқинда кўчиб келган, хар ҳолда мехмон” деб қўймади. Уни биринчи клиенти Теша ғирромни хотини бўлди, у чойхонадаги Мўна Лиза расмини кўрсатиб: “шу расмни мени эримга қанақа алоқаси бор? Ёки шунгга ўхшашроқ бирорта жувонга илакишиб қолганми?”- деб, Тешани галстук тақиб паспиртга тушган расмини кўрсатиб фол кўрсатибди. Ғайбилла полчи расмга қараб туриб “Эрингизни танимайману ома бу хотиндан эхтиёт бўлинг, уни расми кўп жойда кўрганман, хатто бир куни тилвузорда бир ўрисча каналда тепакал кўзойнак таққан одам нақд бир соат шу хотинни расмига қараб гапирганди, кўзлари аланг жаланг гапирганидан сездимки “бунақа хотинлардан сал эхтиёт бўлинглар дегандай бўлди” дебди. Тешани хотинига бир кунда икки марта қайнатиб ичиринг деб қайтарма хам қилиб берибди. Хотини бу дори-озишга пойдаси боракан деб бакалашкага қуйиб Тешага тутқазибди. Теша энди чойхонага салат билан бирга бакалашкада рангги чойдақа сув хам кўтариб чиқққанини кўриб рахмим келди. 
Райим қассоб бу фолчини қарашиям совуғаканми дейди, канечна битта кўз минус 2, битта кўз минус 3 бўгандан кейин қараши иссиқ бўлармиди. Нетўлка қараши гаплариям совуғакан буни. Куни кеча Теша ғирромни хотини Турсун шилқимни хотинини етаклаб келиб фол очирди. Картага қараб фол очган фолпайнетчи “эрингизни бир сочи қора, ёшроқ бир аёл яхши кўраркан” деса Турсун шилқимни хотини “тузукроқ қарангчи картага тилпон нўмириям кўринармикин” деб роса тихирлик қилиб, фолчини нақд ярим соат картага тикилишига мажбур қилди. 
Бу гапларни секретна ман биламан холос, бунақа қилма жанжални уяси бўпқолади бу ер десам, “ман клиентларингни ёғилиб келадиган қилиб или вапше хеч ким кирмайдиган қилиб қўяман”- деб угроза қилди. Манггаям нима чойни қайнатиб қўйиб оғзига тикилиб хаммани сирини билиб ўтирибман. Лекин ман унгга гапирган гапларингни даказат қибера оласанми десам мангга ўқрайиб “буни хаёт дейдилар, сангга фол гейаметриямас даказат қиладиган” дейди. Билганингни қил дедим ичимда, бунақада узоққа боролмайсан деб сразу бепул фол очиб қўйдим.
Кеча Райим қассоб халлослаб югуриб келиб фолпайнетчига “Бугун Шокир дегани совлиқ қўй етаклаб келади, сиздан туғадими йўқми деб сўрайди, йўқ десанг 5 минг манддан” деди. Зум ўтмай Шокир қўйини етаклаб келиб фолчидан “3 йилдан бери туғмайди, шу туғадими йўқми келажакда, бир кўриб берингчи”-деб сўради. Фолчи бозорни далолидай қўйни хамма ёғидан ушлаб кўрди, камига қўйни оғзига қўлини тиқиб “яқин уч йилни ичида туғмайди, гникалагический касали бор” дейди. Тавба сан витиринармисан, фолчимисан дейдиган одам бўлмади. Лекин Шокир “бу гапни Зокир витиринарам айтувди” дея пул бермай кетди, боплади лекин! Ҳали Райимни ёқасидан олади ганарарни тўла деб. Фолчини прейскурантиям ажойиб, эридан гумон қилган хотинларга бошқа нарх, мол ўғирлатганларга бошқа, хуллас дардига қараб нарх чиқаради, бўлмаса қиладиган иши икки оғиз гап. Энди мол-қўйларгаям прейскурант қил деб бир жиғига тегай дедиму, қайнотамни атропида ўралашиб қолганини кўриб индамай қўя қолдим. 
Куни кеча Райимни уйидан сўяман деб турган қўйини кечаси ўғри олиб кетиб қолибди. Фолчига кўрсатувди “қўйингизни роса пулга мухтож одам ўғирлаган, қўйни ё тирик холда бозорга оборади ёки сўйиб гўшини сотворади, эрталаб озгина хашак билан сув тутган қўйга, хозир маъраяпти, мангга кўрингани шу” –деб нақд беш минг сўмини қуртдай санаб олди. “Э ахмоқ Райим, манддан сўрасанггам худди шундай айтардим, пулингам керакмасиди” десам “у деталний айтди, хашак еб сув ичганини айтолмасдинг” дейди. Қўй бўлгандан кейин хашак ейдида, калбаса есинми бўмаса!
Фолпайнетни умри узоққа бормади, Барса билан Рийал ўйнаган куни пидбўлчилар қайси каманда ютади деса Рийал ютади деб фол очганакан, фоли набарўт бўлиб Барса ютди Барсачиларам Рийалчиларам ўша куниёқ фолчини қувиб солишди. “Агар яна чойхонага чиқиб паолият юритадигон бўлсанг қишлоғингга қайтариб кўчирворамиз”-деган қўрқитмаларини тўғри дея махалла актипи Ғани саюз тасдиқлаб қўйгандан кейин рекламний қоғозини девордан кўчириб, мушукдай силлиққина чиқиб кетди.
Фолчи қанча ишлади билмадиму мени “бу кетишда бу ердаги умринг узоққа бормайди” деган бесплатний фолим тўғри чиқди холос. 

Read more »

(НЎМИР 7) ШОМИЛ ТОҒАДАН ЖАХОН ПИДБЎЛИ ТЎҒРИСИДА ОЗ-МОЗ ПИЛАСЎПИЯ

ШОМИЛ ТОҒАДАН ЖАХОН ПИДБЎЛИ ТЎҒРИСИДА ОЗ-МОЗ ПИЛАСЎПИЯ (НЎМИР 7)

Олдинлари яъни мустақилликкача қишлоқда одамлар бой, камбағал тоипага ажраб қолганди. Худога шукр мустақиллик бўлип хамма ўзига тўқ замон хам келди, хали права олмаган мишиқиям мошина олганини билдириш учун атайин сув сачратиб ўтади. 
Кейин “хўжалар”, “қорачалар” тоипасига ажрарди. Ҳозир булар йўқ бўлиб кетиб “Барса” ва “Рийал” тоипаларга бўлинган. Райим қассоб барса бўлса, бизга шогирд боласи рийалмиш. Ота боласини, эр хотинини танимай қоляпти ахир шу барса билан рийални ортидан. Кеча Теша ғирром пидбўл кўраман деса хотини Мўна Лизани ватандоши бўлгани учун барса билан рийални кўрмоқчисан деб яна жанжал бошлабди. Охири Геграпия маълими Тоштонбой атлас картасини Тешани хотинига кўрсатиб Испания билан Италияни орасидаги масофа тўғрисидаги аснавателний пикр билдириб, ожизавий рашкка тўчка қўйилибди. Барибир пидбўлни чойхонага келиб кўрди шўрлик. Сабаби Барса Барса деб бўрихониш қилаверганидан хотини “Барсани яхши кўрасизми ёки мени” деса “Санддан кўра дажи Рийалниям яхши кўраман” деб жавоб қилибди ахмоқ. Уни ўрнига “сени олдингда пидбўл нима бўлибди, сени севаман” деб сал хотинпарварлик қилсанг олам гулистон, атроф сирдарё бўларди мехридан. Мана энди уйдаги бир коса салатидан хам махрум бўлиб бизни бир коса тегишимизга умидвор бўлиб пойгакда ўтирибди энди! Агар Рийал ютса унгга ош тегмаслиги аниқ, чунки ман унгга ош берсам Рийалчилар мениям пидбўл қилиб ташлайди. 
Ман аслида иккита камандагаям балелшикман, сабаби тарапкашлар ошдан гарров ўйнаб чойхонани банд қилишгани тупайли бир коса ризқимиз нақд. Тўп тепган азаматларни ўзиям шунақа маишат қилмаса керак аслида! Пидбўлчиларга тушунмайманда, тескари тескари ҳунарлари бор, бир қарасанг қахратон қишдаям шўртикда югуради, бир қарасанг варатарчиси ёзни чилласидаям қўлпайпоқ кийволади. 
Ман шаҳарга тушганимда бир киргандим пидбўл томоша қилгани, 22 та уйинчи, уларнинг 2 та тринири, 6 тача судя, 10 тача фатааппарат осган расмчилар, 2-3 та камера кўтарган тилвизўрчи яна 25000 дан зиёд зритил туриб, осмонда учиб кетаётган кабутар бизни бошимизга ташлаб кетган ташлайдиганини. Шундай кейин пидбўлгаям тушмай қўйгандим. 
Хайрон қолганим пидбўл кўргани Жамол сўпи хам келди. Тешани хотини астойдил қарғаганми Жамол сўпи кирибоқ чойхона тўрисидаги Мўна Лизани партретини чойхонадаги эски дастурхон билан ёптириб қўйди, “аёл кишини расми санларга номахрам” деб. 
Футбол айни қизиган вақтда Райим қассоб тўпни орқасидан безрезултат югуриб чопиб юрган бир бўйи новчароқ ўйинчини кўрсатиб менддан танийсизми буни деб сўради. Ман “танимийману лекин пидбўл ўйнаши Талстўйга ўхшайди”-дедим. Райим “Талстўй пидбўл ўйнамаганку” дейди . “Мен хам шуни айтяпманда” -деб бир бопладим. 
Икки тарапни муросага келтирадиган Исоқ жўравоши биззи тоипадан ким ютсаям ошни текин ейди. Асли исми Исак бу жўравошини сабаби отаси Шермирза дангал шу бола туғилиб исм қўйилаяпганда пизикадан дарс бериб пенсага чиққан Латип маълим “исмини Исак деб қўйинг, мана Гагарин космўсга учсаям яна қайтиб ерга тушди, сабаби уни ерга тушишини Исак Ньютон қачонлар научний абаснават қилиб қўйган битта қонунида” деб пикрини айтган. Исми Исак деб қўйилган, лекин кейин Камол сўпи рахматли Исоқ деб ўзгартириб қулоғига азон айтган экан.
Икки томонда тарапкаш пидбўл мухлислари ошга келиб клиент кўпайган куни Райим қассоб ўғлини уйига опкетди. Нима эмиш тилвузорини пульти ишламаяптийкан, ўғли хотинини жахли чиқип қоса тилвузорни овозини пасайтириб турармиш. Э ахмоқ ўғлингни ҳунардан ажратиб пулт қилволасанми дейдиган мард йўқ!
Энди ишлар хам ўзимизга қолдида, салатларни пласмасса тарелкаларга солаверайчи хозирдан, чинни идишлар хам бор бунақа жангона тарапкашларга чинни қўйгани рискават қилиб бўлмайди. Пидбўлни чала чулпа бўлсаям кўрайликчи, кейин яна пикрлар чиқип қолса айтармиз. 

Read more »

(НЎМИР 6) ШОМИЛ ТОҒАДАН ХОТИНЛАР ТЎҒРИСИДА ОЗ-МОЗ ПИЛАСЎПИК ПИКРЛАР

Диетдаги эрига бир коса салатни қўлтиқлатиб чойхонага қувадиган Теша ғирромнинг хотини эрталабдан чойхонани олдида жанжал кўтарди. Масала бундай бўлган: Теша ғирромнинг райўн маданият саройидаги қоровул бўлиб ишлайдиган, армияда бирга хизмат қилган ўртоғи саройда бўлган анжумандан кейин ташкил қилинган кофе брекка таклиф қилиб, кофе брекни бир четида Тешани пинхона мехмон қилган. Айтганчи кофе брек – бу пласмасса усталлларни олдида тикка туриб печени еб чой ёки кофе ичиш, хозир шунақа олифта урф пайдо бўлибди. Мехмондорчиликдан кўнгли тўлмаган Тешани хурсанд қилиш учун қоровул маданият саройидаги ўйинчи қизлар кийим алмаштирадиган гирим хонадан Теша ғирромга Мўна Лизани расмини падарка қилган. Қоровул ўртоғи Тешага: “зўр санъат асари, исписат бўлди, сангга илиндим” деб тортиқ қилган. Шу Теша санъатни тушунадими, ўзи нияти четидаги рейкасини ишлатиш бўлгану, йўлда мактаб ўқитувчилари ҳам буюк асар деб таърип қилгани учун Теша тўғри кириб испалнийсидаги деворга илибди. Хотинига “буюк саркарда Напалиён Банапартни қайнисинглиси, уйимизни бало қазолардан асрайди” дебди. Хотиниям партретни бир бурчагига исириқ қистириб расмни қиблага тескари қилиб илиб қўйибди. Шу бугун эрталаб хотини сигирни соғиб испалнийга кирса Теша Ғирром расмга қараб “ха жонингдан, шунақа хотиним бўлса армоним йўғиди” деб Мўна Лизани расмини силармиш. Элликдан ўтиб қуюлмадинг деб тарбиявий соат бошланганда Теша чойхонага қочиб чиқибди. Хотини важохат билан чойхонага етиб келди. Шунақа жаврардики, ўнлайн режимда оғзидан боди кириб шоди чиқарди. 
Бугунгача Тешадан 6 та бола орттириб овқат косасини овқат эмас, салатга қолдирган бу заифага биров тенг келишни истамади. “Мени уйимдаям бор Мўна Лизани расми”деб тарапкашлик қилган Райим қассобни ҳам ёнида турган қуда андасига қўшиб “кийиб” ташлади. Охири Мўна Лизани расмини Тешани уйидан чойхонага обкелиб қўйиб қутулдик. Лекин шу шарт биланки ўша расм турган жойга Теша умуман яқин келмайди, ўтирсаям тескари ўтиради, хотини шартларини қўяркан буни кантрольний маниторинг қилиб кузатишиниям айтди. Бунақа интернасианал тилдаги угроза шартлардан кейин Тешани жойи пойгак бўпқолганига шубха қолмади. 
Шу Тешагаям хайронманда қишлоқда хотин қуриб қолгандай 500 киламетр узоқдан уйланган. Хотини ота онасини кўргани ярим кун мошинада бир кеча пойизга ўтириб бориб келади. Бир йилда бир марта боргани сабаб бориб қайтишида хотининг ота онасиям армияга кузатгандай нон тишлатиб кузатади. Ўзи яқиндаям хотини “сизга текканимда кўзим кўр, қулоғим кар экан” деса Теша “ман дўхтир бўлмасам ҳам сени тузатибманда” деб палсапакулиш қилибди. Уни ўрнига “Нимага нолийсан еганинг олдингда, емаганинг халаделникда” демайсанми ахмоқ! Хотин киши билан хазиллашиб бўларканми. Тем боли хотининг иккита институтни битириб учинчисидан чала абразаванийаси бор илмли аёл бўлса! Хотинлардан қароқчиям тузукроқ, ҳарҳолда “Ё пулинг, ё жонинг” деб шарт қўяди, любой рўмолини учига кўзини ёшини артадиган муштипардек ювош хотинам хам жонингни хам пулингни олади! Кеча Позил тунукачини Тошкандан уйланган ўғли битта тўғри пикр билдирди “Хотинлар Пиётр 1 га ўхшайди, соқолингни ўстирмасликни талаб қилади ва йевропага чиқишни истайди ” деб. Шу боладан ақлли гап чиқади деб ўйламагандим, анави куни ярим гектар ердан уч марта хосил олдим деб мақтаняпти. Э ўле, сени ёшингда Гагарин кўсмўсга учганди дейдиган мард йўқ. Икром шопирни ўхшатишиям ўринли: “Хотинлар ГАИ инспектўрига ўхшайди, чўнтагингни қоқлайди (иштороп билан), мелкий нарушенангниям кечирмайди, настрайениянги бузиб, ҳуқуқинг (права)дан махрум қилишга харакат қилади” деб. 
Так что хотин кишини хапа қиладиган замонмас хозир, тем боли хотининг илмлироқ бўлса, гапирган гапинг учун салатниям пойгакда ейсан деган морал билан тугатяпман гапимни. Бундан ташқари Мўна Лиза асари кимга машхурлик, кимга бойлик опкелгандир лекин Теша ғирромни чойхонадан махрум қилишига сал қолди, жойиниям пойгакка тушириб қўйди. Яхшиямки аригиналимас, тарих маълим болани айтишича аригиналини Прансиядаги музейда эмиш, агар шу бўлгандами...

Read more »

(НЎМИР 5) МАНА САНГГА ЗООПИЛАСЎПИЯ!

МАНА САНГГА ЗООПИЛАСЎПИЯ! (НЎМИР 5)

Кеча “тор шишага сиққан кенг қорнимга сиғмайсанми” деб геграпия маълими бўлиб ишлайдиган Зокир, Ғани саюз, Собир тажанглар билан Тошкандан опкелган мозорбосди чистая прўбадан роса олибмизда. Янаям Зокир маълим Тошкандан атлас карта опкемапсан деб зарда қилиб ўтиришни ярмида кетворди чойхонадан.
Ўғлим “маълим илтимос қилди, дарсимиз учун атлас карта опкелинг экан” деб тилпон қилувди аслида. Атлас картага бало борми, дунё алғов далғов бўптурибди, мана кеча яқинда Қрим Рассияга қўшилди, ҳали карта чизадиганлар чизиб успет қилмасдан атлас карта дейди. Сал бир ёққа сурилсин қўшиладигани қўшилиб, охирги вариянт картани чизишиб ман опкемасам жўнатар мактабга. Сиёсатдан хабари йўқ Зокир божасиникидан зарда қилиб тургандай хайрниям насия қилиб туриб кетворди. 
Қисқаси уйга неччида кириб келганимниям билмайману хотин бир нарса деб жаҳлимга тегувди “ит вафо хотин жафо!” деб бўри ўкириш қилганимиздан оёққа суйкалиб, чойхонадан суяк опкелишимни кутиб турган олапарам секингина уйчасига кириб кетди. Эрта сахар кўчада ҳали итлар тарқаб улгурмай ховлидаги сўрида қайнотамни овози келяпти. 
Ташқарига ювуқсиз чиқиб бет ювиш маданиятсизлик бўлар деб уйни ичидаги бакалашкадаги сув билан бетни мушукювиш қилиб пешвоз чикдик. “Ха Шомилвой шу чойхонадаги бетаҳоратларни хизматидан келиб яна итни мақтаб, бизни қизимизни жапо депсиз, балки зоопиласўпиянгизни абаснават қилиб берарсиз” дейди мўйловини бураб. Ҳали сан таҳоратли бўлдингми қариганда дейдиган одам йўқ. Таксислик қилиб хотинбозлик қилиб юрганингда олдингдан ўтган одамга ғусулвожиб бир бандайдинггу, пенсага чиқиб иймондан кастум кийволдийми! Тарихини айтиб берсам, мандан аснавания талаб қиляпган шу қайнотам шахарда бир ўрис тул хотингга илакишиб, таксини счётчиги ўрис хотинни болаларига хақига айланган вақтда қайнонамни давления касалига қизлари навбат бўлиб қараган. Камол сўпи рахматли яқингачаям қайнотамни мачитга қўймасиди, бир вақтлар таҳоратингга сувни ғайридин тайёрлаган деб. Ўрисча сўз қўшиб гапириши туфайли давленияси ошавериб қайнонамиз хам касалманд бўпқолган ҳозир. 
Камсамўлда бригадирни ёрдамчиси бўлиб ишлаганимни ҳурмати қизига нақд калхўзни раиси мени номимдан совчи бўлиб борганини мақтанганингни хали гапиришади чойхонада!
Ундан кечирим сўрашимни кутяпти, хатто бировга тилпон қилса ўша одамни тилпони ўчиқ бўлса тилпондан “кечирасиз” деган овоз келмайди, пулини олаяпган кампания сўрамаган кечиримни ман сўрайманми! 
Кайфим ҳали тарқаб улгурмаганиди, “ха энди мастликда мақол айтган бўсак айтгандирмиз, хотинпарварликда биздақаси йўқ аслида, қўй ёғи қўй гушти билан ошни қизингизга едириб, суягини итга тортиқ қиладиган салидарний одаммиз, итни ётадиган ерини қаранггу қизингизни неча қават кўрпачада ўтирганини кўринг” десам кўнмайди, хадеб абаснават қил деб қўймаяпти. Бошоғриққа бир коса сувни симириб, пилосопия бўлса пилосопияда деб шартта тушунтириб кетдим:
1. Ит қайнотаси ким билмайди;
2.Уч кунни бирида орқасидан ота онаси мехмонгга келмайди; 
3. Баъзи бирларга қараганда умри озроқ;
4. Итни адашиб бошқа исм билан чақирсанг айуханнос солиб тўпаланг қилмайди;
5. Ерга бирор нарса отсанг ёки ташласанг жағи очилиб сайрамайди, набарўт хурсанд бўлиб ўша сан ташлаган нарсани табаррук деб бориб ўпиб, ялаб қўяди;
6. Ярим кечаси уйғотиб “ман ўлсам бошқа ит опкелмайсизми ховлига” деб сўрамайди;
7. Кўчага чиқиб кетаётганингда уни опке буни опке деб буюрмайди; 
8. Асосийси радиўни сингари тинмай гапирмайди, умуман гапиришни билмайди; 
9. Аккиласада, бутун заҳрини санггамас, кўчадан келган бегонага сочади... 
Зоопилосопический рўйхат шу жойда қайнотамни хассани ерга уриб дўққилаб “Басс!” деб бақириши билан нихоясига етди. “Шу гапларинг учун сўдга бериб бир иштироп қилдирардиму аптаритет тўкилмасин махалла куйни олдида!” дейди. Мошина минмай қўйганига 10 йил бўлсаям, қайнатамни лақаби ҳалиям “Отаммирза ўпка”, сабаби иккита мушук тўқнаш келадигон тор кўчадаям 100 киламетр тезликдан тушмаган. Техпаспортни мошина билан қайтариб олган аптабаза ўпкани қолдириб кетиб, хозир бу тезлик носни тагидаги шалоқ тилга кўчволиб бизни умримизни йубкадай қисқартириб турибдида! 
Чойхонага чиқсаям хамма безор, чойхонани эшиги олдида кампўт сотадиган Теша бузуққа сувни бўяб сотяпсан деб ақл бўлганакан кечагинада “ё чойхонани кўчир ё нйанкангни йиғиштир, судга бериб ахмоғини чиқараман” дегани эсимга тушиб “суддан повиска олдин кимга келаркан кўрамиз ҳали” деб Теша бузуқни ахдини айтдим. Теша бузуқни ачки тақадиган кенжа куёви судни идорасида бола орттириб хотин қўйганлардан алимент ундирадиган дўлжнсталигини билган қайнотам дарроп шаштидан тушдию “пашўл е!” деб кўчага чиқиб кетди. 
“Пашўл” “абаснават” ва бугун саҳарлаб бисмиллодан олдин ишлатилган бир нечта ўрисча сўзларини қайнонамга билдирсам ўзини уйидаям ижарага туради! Менимча божамникига кетди. Божамни қишлоқда “Ахтам немис” дейишади кўчадан битта нон кўтариб кирмасанг иккинчи нон дастурхонга қўйилмайди, тем боле ҳозир қулупнай эккан, сотиб тугатмагунча отасини саломигаям алик олмайдию қайнотани кутволарканми. Кичкина божамни уйига иккита маршруткада пересадка билан бориш керак. Чойхонагаям чиқолмайди, Теша бузуқдан қўрқиб. Ундан кўра уйимдаги итга суяк ташлаганингда, ҳозир шу кетишингга думини ликкилатиб оёғингга суйкаларди. Мана сангга зоопиласопия!

Read more »

(НЎМИР 4) ШОМИЛ ТОҒАНИНГ ТОШКАНГА КАМАНДИРЎВКАСИ

ШОМИЛ ТОҒАНИНГ ТОШКАНГА КАМАНДИРЎВКАСИ (НЎМИР 4)

Тошкангга такси қиладиган азаматларнинг пулингиз керакмас деган қистови билан Нексияни олди ўриндиғида Озодбекни ашуласини қўйволиб Тошканга жўнадим. Уйга бориб “Устам Тошканга йуселни министрлигига кетди” дейсан деб заказларни шогирдга ташлаб кечки 6 ларда жўнавордим. Кечаси 12 лардан ўтиб етиб келдик. Тўғри устудент жиянникига бордим. Эрталаб жиян шаҳарга олиб чиқди. Йуселни галавнўй описини қаердалигини тушунтириб биринчи соат дарсга бормаса бўлмаслигини,ёши каттароқ аёл кишини дарси эканлигию, жуда строгийлигини тушунтирди. Ман хотин кишини илмлиси билан хазиллашмасликни хижолат қилмай дарсга боришликни уқтирдим. Ўзим бир амаллаб галавнўй описга жўнадим.
Войбў роса чиройли бўлибдида Тошкан. Мошиналарни айтинг, оммо мошина хайдайдиган аёлларам роса кўпайипди. Маслахатим ГАИ гаям аёллардан аралаштириб ишга қўймаса бўлмайди. Битта хотинни сал ортиқча сўроқ саволига тонг отишини чойхонада кутволамизу шунча заифага тенг кеп бўларканми! Биззи хотин мошинаси йўқ пешком ярим қишлоқни 2 соатда айланиб дунёни хабарини тўкиб ташлайди. Худо кўрсатмасин мошина минволса борми кабутарларга сув бериш хам ўзимга қоладию! 
Метро-ерпойизга тушиб Йуселни описига жўнадим. Бир ўзим гаплашайчи нима гапикин деб, охирги хатларда қаттиқроқ тегиб қўйдимми, яна мен сабаб бўлиб эмтесга ўхшаб кетворса балога қолмайин дедимда. Йуселни описини амаллаб топиб бордим. Эшикдан киришим билан милисага ўхшаш пўрма кийган қоровул болалар нимага келганимни сўради, мақсадимми чала чулпа тушунтириб бошлиғингга рўпара қил дедим. Икки минут юмшоқ усталда журнал ўқиб кутиб ўтиргандим бир кўк кастўм кийиб кўк галстук тақволган бола келиб “кампанияга хуш келибсиз!”деб саломлашди. Ўзини опис мененжерни памўшнигиман деб таништирди, исми шарипини қоғозга ёзиб устидан правага ўхшаб ламинат қилиб кастумини олди чўнтагига илволибди. Кулиб қарши олган бу бола янги куёвлардай мулозамат қилади. Йуселни бошлиғигаям тан бермадим, тўрт юз киламетр йўл босиб келсамда мангга секретарка болани рўпара қилворгани алам қилди. Ман ахир туманда любой идорага “бошлиғинг шу ердами ”деб босмачиқараш қилиб безсекретарка кираман. Нима бўлса бўлди деб бор дардимни тўкиб солдим. Секретар бола мени жилмайиб эшитиб турдида хеч нарса бўлмагандай “сиз ишонинг ва бундан кейин хам ютуқлар акция ўйинида қатнашинг ва албатта омад кулиб боқади!”дейди. Ман шундан шу ёққа шу гапни эшитгани келдимми, у гапни тилвузордаям ўн марталаб айтадию! Гаплашиб турувдим Собир тажанг билан Ғани саюз тилпон қилди. “Раз бордийми ишни ҳал қилиб келгин” дейди, худди бу ерда иш битадигондай. Секретар болага бошқа дебитўрларам ташвишда дедим интилгентний тилда. Болапақир нуқул “сизлар тўлаган беш мингингиз счетийизга тушган, уни ишлатиб юрибсизу” деган мужмал гапни қайтараверганидан иш пишмаслигини тушуниб етдим. Ман у болани ўрнида бўлсам ойнабанд полкаларда турган хар хил марка тилпонаппаратлардан биттасини тутқизворардим. Майли қишлоқдагиларга лоф бўпқолмасин келганим деб секретарка бола билан кампанияни олдида тилпонимга расмга тушволдим, фотопакт қилиб. Собир тажангга йуселни дириктири ўзи чақирибди, “озроқ кутинг падарка қиберамиз, сиздан олдин пул тўлаганларам бор” деб узр сўради “ахир милёнлаб пул тўлаган одамларам 9 ойда оляпти салондан мошинасини” деб хижолат қилиб бир пиёла чой ичайлик деганди кўнмадим деб қўйдим. Собир “Мениям бошлаволмабсан икки киши гапирсак сал масулиятни оларди” деб хотинлардай зарда билан трубкани қўйиб қўйди. Бир марта беш минг тўлаб описда бало борми Собир тажанг! Эртага бирорта ютуқ чиқсаям ман аралашганман деб пешонамга дўқиллатишингниям биламан. Камига Ғани саюз бошимни қотирди, “ман борганимда махаллани номидан гапирардим” деб, испарапкангни сотсангчи, махаллада пул тўланглар йуселга деган ташвиқотинг бўганми! Сангга ким қўйибди махаллани номидан гапиришни, махаллада ариқ тозалашга одам йиғолмайсану! Санларга перевалдан қурт олиб борсам хам хурсанд бўлавер. Мишка сариқни сув қўшилган пивосига қўшиб ичасанлар!
Кампаниядан чиқиб тамадди қилволай деб кўчани у юзига ўтсам одам очирид бир нарса сотяпти. Чордона қуриб овқат ейиш хам йўқ бўпкетганми шаҳарда қаерни қарасанг хамма тикка туриб овқатланади. Борсам туркча дўнер, лаваш сотаяпти экан. (яқинда Райим қассобни ташаббуси билан мен хам чойонадаги эски искаладни хонасини шунақа таом пиширадиган болага ижарага берганман) Лаваш деганидан иккитасини тикка туриб ошқозонгга қамадимда яна ерпойизга тушиб жиянни ижара уйига кетдим. 
Ҳар эҳтимолга қарши халиги секретар болага нўмиримни қолдирдим, бошлиғинг келса бир вақт топиб тилпон қилсин деб, зора инсоп кириб тилпон қилиб қолса, бир икки кун Тошканда бўптураймикин?

Read more »

(НЎМИР 3) ШОМИЛ ТОҒАНИНГ ЙУСЕЛ (UCell) ГА ХАТИ

ШОМИЛ ТОҒАНИНГ ЙУСЕЛ (UCell) ГА ХАТИ (НЎМИР 3)

Ўзи умримда латарейа ўйнаб гугурт ҳам ютмаган омадсиз пандавақи бўлсамда сизларни эсэмэсингизга учибман. Мана нима деган одам бўлдим?! Собир тажанг ўғлимни кўчада ушлаб олиб «отангга айтиб қўй, беш минг сўмни қайтарсин, бўлмаса чойхонада шармандасини чиқараман, бунақа крупний ишлар уни орқасимас, ундан қура сени хўл иштончанги алмаштириб уйида ўтирса обрўда қоларди» деб дағдаға қилибди. Пиққилаб бурни оқиб йиғлаяпган ўғилчага рахмим келди, бирор кун чойхонага келиб ёнбошлаб кўзи уйқуга кетса ўғилчамга айтиб яктагини ҳўл қилдираман деган вахшиёна қарорга келдим. Кўрдингларми маънавиятимниям бузяпсизлар. 
Эрталаб хотин маҳаллага испарапкага чиққанди. Махаллани идорасидан кирган одамга салом беришдан олдин «испарапка беш юз сўм» деб турадиган Ғани союз юзини буриб «хеч ақл кирмадида Шомилга биззиям беш мингга тушириб, ўзи қўй ёғида ош еб юрибди, хали шахарга борсам хокимият орқали текширтираман- ўзига йуселдан падарка келган бўлса, чойхонасини снўсга туширтираман» деб диёдиё қилиб, испарапка бермабди. Хотиним ҳам бўш келмабди «Сани ўзингни тилингни снўсга тушираман, анави куни район кетаётганда автобусда бир жувонни сочини мақтаб шилқимларча гап отганингни хотинингга айтиб ўзингни уйингда ўзингни снўс қиламан, испарапкани ўзинг уйга обориб берасан, беш юз сўмдан қуруқ қолдинг!» деб ғоз юриш қайтворибди. Ўттиз йилдан бери ман тенг келмаган хотингга бало бормиди дағдаға қилгани, қайнотам ҳам хотинимни мангга эрга бериб қутилганидан устимга ҳар йили биттадан беқасамни ёпиб, радикулит белимга белбоғ боғлайди-ю! Ўл бу кунингдан Ғани союз! Испарапкани ёзиб Райим қассобнинг бизга шогирд ўғлидан берворибди, «сал қизишдим, узримни етказ» дебди. Личний масалани ишни масаласига аралаштирма деб ўргатмаганми сангга Ғани! 
Эрталаб Саматали мантёрникига бордим. Уни қизи тилвузорда ишлайди дейишганди. Ўзим хам бир икки марта кўрувдим тиш чўткани рекламасида чиққанини. «Қизингга айт тилвизўрда йуселни ўйинида биз памиламизиям қўшворсин» десам Сени беш минг сўм пулингга қизимни обрўсини туширмайман дейди. Обрўсидан ўлгирдим, яна қизи қишлоққа келса чойхонага чиқиб мақтанади «даптарча опчиқиб имзо қўйдирволлларинг мақтаниб юрасанлар» деб. Қизи экранда чиқиб қолса кимки кўрмадим деса албатта ўшаникида эртасига свет бўлмайди. 
Йўл-йўлакай Жабборникига кирдим. Уни ўғлиям шаҳарда мелисада ишлайди. Кўчада кетаяпган одамни тўхтатиб паспортини текшириб, ишкали бўлса иштороп қиладиган дўлжнстга ўтди деб мақтанганди. Жаббор гапимни эшитиб: «Сал нозикроқ масалайкан, ман бир гаплашиб кўрайчи» дедида «масала сени интересингда» деб ўғлига мени тилпонимдан званўк қилди. Энағар нақд 6 минуту 26 секунд гаплашган бўлса асосий гапи ундан ҳол сўрашу, уйни таъмирлаш, тўй қилиш маслаҳатию, хотинини банисага ётқизиш масаласи бўлди. Ўзи бу ёқда беш мингга тушиб турганимиз етмай турувди. Яна калласини чайқаб «Бунақа чучмал ишларга аралашманг деди, канкретний важи бўлса ариза қилсин шаҳарга келиб» деганимуш. Ээ ўргилдим ўғлингдан, шу боласи звания олганида Жаббор икки кун чойхонани банд қилиб улпатларига ош берди. Чойга, турпга пул омагандим, биздан ёрдам деб. Ош еганларам аснавнўй турп билан чойни мақташганди. 
Майли тирикчилик ўз йўлига. Мана бизам баҳонада билволдик кимни қанақалигини! Бошингга иш тушса ҳаммаси четга чиқволаркан. Так что билволдинглар қанақа танишларим борлигини, бизам жуда ердан чиққанларданмасмиз. Шаҳарда бошқа танишлар ҳам бор. Бораман десам хотин ақлли гап айтиб қолди «беш сўм йўқотиб қўйиб, юз сўмга фол очирасизми, ундан кўра ўн мингга битта оқ футболка олингда Носиржонни художник ўғлига йуселни расмини чиздириб ёздиринг, кейин тилвузорда айтмасаям, орият қилиб бита таксидан берворибди дейсиз чойхонага чиқиб» дейди. Хотинни айтганини қилдим, сизлар уялмасанглар ҳам мен унақа майдалашиб ўтирмайман. Обрўйингни сақлаб қол деб Собир тажанг билан, Ғани союзниям шунгга кўндираман ҳали. Ора-чорада бир косадан эконом ош ўшалардан айлансин 
Ҳисоб учу нўл бўлди. Буёғига яна срўкни узайтираман, кампанияга инсоф тилашдан ўзга чорам йўқ. Активний клент Шомил.

Read more »

(НЎМИР 2) ШОМИЛ ТОҒАНИНГ ЙУСЕЛ (UCell) ГА ХАТИ

ШОМИЛ ТОҒАНИНГ ЙУСЕЛ (UCell) ГА ХАТИ (НЎМИР 2)

Йусел тилпон кампаниясига ошхўрлар резиденсиясидан алангали салом! Хозиргина Тўлан лапашангникидан чиқиб келётсам жиринг этиб тилпонимга эсэмэс келди. Хурсанд бўлдим ҳартугул хапа бўганимни билиб 1 май куни Ёшлар каналида ютуқлар аксиясини ўтказармушсизлар, 5000 сўм сендан айлансин, хотиндан бекитган сўлкавойларни беш минг сўмини Мишка сариқни пайнетидан тўлавордим. Яна хотиндан пул бекитадиган падкаблуклардан экан деб ўйламанглар, нима бўгандаям кичкина семямизниям пул сиёсати бор ахир. 
Қисқаси чойхонадаги улпатларга “мана йуселни огохлантиргандим, аксияни қайтадан ўтказадиган бўлди” деб мақтаниб қўйдим. Ўша “падкаблук” деган сўзни рассиядан қишлоққа инвестисия қилган Позил хаммомчи ёғ теккан қўлини чўзиб гарров бойлашмоқчиям бўлди, қўлимни юмаганман деб тескари бурилдим, яна падвадит қипқўйсанглар ютқизиб қўйиб семейний буджетгаям зарар қилмайин деб. Айтмоқчи ўша падкаблук деган сўз бизга жуда асқотяптида Позил хаммомчи рассияга бориб бир мири ишлаб келмаган бўлмасаям биз уни шу сўзини чойхонага чиқолмайдиганларга ишлатиб роса чўнтакни қаппайтиряпмиз. Хатто озишни хаёл қилиб қуёндай карамхўрлигию чимчидан уёғига ўтолмайдиган Теша ғирром хам ўша гапдан орият қилиб салатини кўтариб чойхонага келади. 
Майли тирикчилик ўз йўлига 1 май куни тилвизўрда пидбўлни кутгандан санларни ўйинингни кутаман! Агар падарка бўлмаса тўлаган пулларимни қайтариб ундириб олиб кўз олдингда қайнатамни билайн номерига ўтказвораманда, ош ейдиган қўлларини қалтиратиб дуо ҳам олволаман! 
Бундан ташқари Собир тажанггга “бу сапар бермасаям кейинги сапар санггаям падарка беради” деб беш минг тўлатдим тилпонига. Буям осон бўлмади кичкина тўрт яшар ўғлимни уч марта уни уйига ғиззилатиб тинкасини қуритдим. Собир тажанг жахл қилиб “тўлаб келдим мана, чойхонадаги ошни пулиниям шунча қисатамасиди отанг, йусел кампания бошини айлантириб қўйибди!”-деб иштончасига пайнетни чекини қистирворибди. Унгга сразу падарка берманглар, чойхонада қўрбошиётиш қилиб хаммага мақтанади “мана биз бир марта тўлаганда падарка олдик”деб. Ўзи минг сўм икки минг сўмдан ортиқ пул тўламасиди беш мингни тўлаб қўйиб чалқанча ётволди чойхонани тўрига чиқиб, “сан билан кампаниядошмиз” деб, яна ошхўрлардан бизга тегадиган бир коса ошгаям даъво қилиб турибди. 
Айтганчи махаллаком бўлиб ишлаб хозир махалла актипи бўлволган Ғани союз олдимга келганди. Шогирдим Райим қассобни ўғли химия ташкилотида қоровул бўлиб ишлаган вақтида бир сочини бўяган жувонга гап отганимиш, ўша жувон хақорат қилди деб милисага устидан ариза берибди. Бола куйиб кетмасин характерстка беринг дейди. Отаси Райим хам оғзида бисмиллоси йўқ шалоқ эди, боласиям шу эканда дедим ичимда, лекин қўйни оғзидан чўп олмайдиган деб ёзиб келган характеристикага имзони қийшартирдим. У характеристикани ўзи ўқисаям уялиб кетса керак ман шунақа одаммикинман деб. Чунки клиентлар хам сал норози бўлгандей бўлувди бола пақирдан. Қисқаси мени олдимга иш билан келган Ғани союзниям аксия ўйинларингга қизиқтирдим, ёнида пули бўлмасаям светга ёки газга махалладан йиғилган пулдан бўлсаям 5000 тўлашига ишонаман. Ёки биззи шогирдга яхши характеристика ёзиш осон бўлмади деб хақини олади.
Реклама қилиш шунчали бўларда, так что кўрамиз нима падарка жўнатишингларни! 1 май куни свет бўлмаса движок улаб бўлсаям тилвизўрни кузатаман!

Read more »

(НЎМИР 1) ШОМИЛ ТОҒАНИНГ ПИЛОСОПИК ФИКР ВА АРЗНОМАЛАРИ 1-СЕЗЎН

ШОМИЛ ТОҒАНИНГ ПИЛОСОПИК ФИКР ВА АРЗНОМАЛАРИ 
1-СЕЗЎН

ШОМИЛ ТОҒАНИНГ ЙУСЕЛ (UCell) ГА ХАСРАТЛАРИ (Устоз А.Обиджон хажвий йўлида) (НЎМИР 1)

Махаллада катта бўмасаям кичкина чойхонани юргизип турипмиз. Бундан ташқари тўй хашамларгаям чой дамлашга заказ оптурамиз. Клиентларга қулъай бўсин деб сўтивий тилпон олиб, нўмиримни прямой қишлоқни сентри гузардаги чинорга ёзиб қўйибман. Клиентлар олдин уйимга келарди ҳозир прямўй қўлимга теришади. Кеча тўй қилган Тўравой хам икки кун олдин тилпон қилиб заказ қилганди. Қурумсоқ уй тилпондан гудок ташлаб қўйса бўладими! Манда сразу “неприятний нўмир” бўлиб кўринди, қайтардим мажбур, яна узундан узун қилиб хол сўрайди, “Ҳей, дурак, мандан ҳол сўраганинг манга дўлларга тушади, йуселдан термайсанми” деб болохоначасига бўраладим. “Уч минг сўм пайнет мандан бонус”-деб тўйни ўтказиб бер деб турволди. Камига Гарбачўпни даврида бекитиб қўйган истоличний яримта хам ваъда бўлди. Битта бешиктўй заказ бориди уни шогирдга ўтказвордим. Айтмоқчи Райим қассобни химия ташкилотида қоровул бўлиб ишлаяпган ўғлини шогирд қилвоганман. самавор қайнатиб, заказной чой дамлашга хозирча қўли кемасаям, сув ташиб турибди. 
Тирикчилик ўз йўлига, ман нима демоқчиман, ўшандай хамёнидан бир сўм чиқса ўзини томдан ташлайдиган Тўравойларни уч мингини через пайнет кампанияга ўтказиб кампанияни ривожланишига хисса қўшсакда йусел кампанияси кечаги совринли ўйинда совринни бировга хадя қилворса! Бизга жуда “кия оптима” мошина бўлмасаям багажига битта самовор сиғадиган битта матизни совға қилворчи, хар битта тўйдан беш мингдан тилпонга туширмасам отамни ўғлимасман! 
Ўзи йуселга уланганимда хотин қарши бўлувди “билайн олинг хамма қариндошим билайнда” деб, “хотинни уруғи қариндош бўлмайди” деб қўйиб завжамизниям бир икки кун қовоғини киндигигача осилтириб юришига чидаганмиз. Уни устига қайнотаям билайнда, эшитганлар қайнотаси билан битта кампанияда деб чойхонадаям қулоғим тинмасиди. 
Қисқаси йуселдан хапамиз! Активний клиент бўсакда битта майкани падаркасига арзитмади одамни. Йусел деб ёзилган майкадан падарка қилиб, памиламизни тилвузорда 2-3 марта қайтариб қўйчи, кейин ўша майкани хожибоболарни сарпосидиек қишлоқда кийиб юрганимни одам жўнатиб текширтир, кейин гувохи бўлардинг, чойхонадаги ошхўрларнинг нечтаси кампанияга аъзо бўлганини. Камига чойхонани пештоқига “ХАММА ЙУСЕЛГА ЎТСИН!” ёки “ЁРҚИН ХАЁТНИ ИСТАСАНГ АҚЛИНГНИ ЙИҒИБ ЙУСЕЛГА ЎТ” деб ёзиб қўярдик. Учинчи чойнак чойга хақ олмасдан кампания хақига бонус хам ташкил қипқўярдик. Гарров ўйнаб айтаманки, бир кило қўй гуштини пулини бир мартада тўлайдиган вип клиентларинггам бунақа саховат қилолмайди! 
Қисқаси кампанияга бир ой срўк бераман, шуни ичида хатосини тўғрилаб олсин, бўлмаса хотинни уруғига қўшилиб билайнга ўтишданам тоймайман! 
Айтганчи ман умримда Чимёнга бормаганман, Чимёнда қариндошим хам йўқ , хадеб Чимёнда қор кўчади деган эсэмсни жўнатиб пул сарплайвермасдан ҳар замонда биззи чойхонаниям реклама қилиб одамларга эсэмэс ташаб туринглар, бизда ёмғирми, дўлми, қорми чойхона вип-кечасию кундузи очиқ! 
Так что кўрамиз қанақа падарка келаркан! Хатосини тўғрилашга имкон берганимизга ўзига бирор ой вип қилиб қўйса бўлади бизни нўмирни.

Read more »